Aulas galegas é un portal educativo realizado por un colectivo de profesoras e profesores sen ánimo de lucro que acaban de lanzar ante a situación de illamento provocada polo coronavirus. Deste xeito, Aulas galegas nace para axudar o alumnado, as familias e o resto de profesorado a atopar recursos e materiais educativos en galego.

- Publicidade -

“A vocación deste portal educativo non é substituír as indicacións educativas que o profesorado lle faga ao seu alumnado no ensino regrado nin o papel das administracións educativas” indican na propia web.

Para o alumnado e as súas familias publicarán cada día material clasificado por nivel académico e materia para as etapas de Educación Infantil, Primaria, Secundaria e Bacharelato.  Para o profesorado crearán unha sección organizada por departamentos didácticos onde se poidan atopar páxinas doutro profesorado galego desas materias.

 

Faite socia, faite socio

As socias e socios de Nós Televisión son un piar básico. Desde moi pouco, a túa achega económica pode axudarnos a consolidar este espazo audiovisual libre e en galego