Mutacións urbanas: “visibilizar é importante, o que non se nomea non existe”

"Visibilizar o invisible" é o lema do proxecto Mutacións Urbanas, iniciativa da Cooperativa Cultural compostelana 7H, que busca a inclusión mediante a arte

Ponse en marcha o proxecto “Mutacións Urbanas, visibilizando o invisible”, da man da Cooperativa Cutural 7H e coa colaboración do Concello de Santiago e a Deputación da Coruña. O seu obxectivo é a integración social mediante creacións artísticas de diferente índole, como a música, escultura, vídeo… Todo coa colaboración de asociacións como ASPANAES, ASPAMITE , Centinelas e Down Compostela.

- Publicidade -

Axudar á sociedade desde a creación artística

Clara Cordeiro, unha das coordinadoras de “Mutuacións Urbanas”, resaltou que esta clase de proxectos que visibilizan son importantes, “porque o que non se nomea non existe”, e Branca Novoneyra explicou que non só aspiran a mudar a cidade, senón tamén “as relacións” que nela se dan.

“Mutacións Urbanas é unha aposta por achegar a creación artística a onde é máis necesaria: a sociedade”. Así, a  través de disciplinas tan dispares como a pintura, o vídeo, a arte de acción, a reciclaxe ou a escultura en lá, traballarán con diversos colectivos asociativos da cidade para crear un enriquecedor espazo de experimentación artística, onde as novas miradas e as confluencias positivas activen o perdido papel de cidade como comunidade de benestar individual e colectivo.

 

Faite socia, faite socio

As socias e socios de Nós Televisión son un piar básico. Desde moi pouco, a túa achega económica pode axudarnos a consolidar este espazo audiovisual libre e en galego