No serán de onte, milleiros de persoas participaron no festival desPlanta sons. A organización destaca que se viron superadas todas as expectativas pola afluencia de xente. Este venres houbo unha nova demostración da unión e da forza da veciñanza contra a instalación da planta de residuos da Casalonga.

E non foi unha semana normal en Teo. Todo o contrario. A negativa do Concello á intalación da planta de residuos de Toysal mediante a presentación do informe urbanístico desfavorable marcou a axenda desta semana no Concello. Porén, a veciñanza non baixa aínda os brazos e continúa a participar masivamente nas actividades programadas pola Plataforma Casalonga Limpa de Residuos.

Onte, sespois da música de Son Elas, a actriz Mabel Rivera protagonizou unhas sinceras mensaxes de apoio á veciñanza e alentou ás e aos presentes cunhas palabras de forza para que “a loita se manteña e de alegría por ver a un pobo unido por unha causa xusta”. Ademais, unha veintena de empresas e asociacións colaboraron gratuitamente para que este festival puidera facerse realidade.

Coa música tradicional e Folk do grupos Os Tres Pesos e Os D’Abaixo creouse un ambiente de foliada onde espontaneamente ían xurdindo grupos de todas as idades demostrando as súas destrezas co baile galego, a viva imaxe da cultura dun pobo cheo de vida.

Únete: a banda sonora contra a ameaza ambiental

A media noite entrou Desequilibrio Mental cun cambio de 180º no estilo musical. O punto máis álxido do festival xurdíu con este grupo cando estrenuo a canción “Únete” composta tras coñecer a ameaza da planta de residuos na Casalonga.