A sociedade galega reacciona ante os recortes no sistema público de sanidade. Milleiros de persoas uníronse na mañá de hoxe en Compostela nunha manifestación unitaria de rexeitamento ante a grave situación en que se atopa a sanidade no noso País.

- Publicidade -

Multitudinaria manifestación en Santiago

Na mobilización participou a nosa colaboradora Pilar Aymara que achega entrevistas ás e aos protatagonistas da marcha, entre eles, o voceiro de SOS Sanidade Pública de Compostela. Milleiros de galegas e galegos pediron a dimisión de Alberto Núñez Feijóo e a  rectificación do Partido Popular sobre unha Lei de Saúde que “deteriorará enormemente a sanidade pública”

Quen tamén participou esta mañá foi Manuel Dios, concelleiro de Educación e Cidadanía de Santiago

Todos os líderes da oposición, presentes na mobilización

A manifestación, que deu comezo pasadas as 12:00h desde a Alameda compostelá xuntou tamén a representantes de En Marea, PSdeG-PSOE e BNG.

Nunha ateigada Praza da Quintana, Isabel Risco e Quico Cadaval deron lectura ao manifesto contra os efectos “devastadores” da Lei de Saúde que o Partido Popular quere aplicar e que suporá a supresión de áreas sanitariase unha “clara aposta” pola privatización da sanidade

Faite socia, faite socio

As socias e socios de Nós Televisión son un piar básico. Desde moi pouco, a túa achega económica pode axudarnos a consolidar este espazo audiovisual libre e en galego