Metaldeza construirá unha nova planta de refugallos en Gran Bretaña

A empresa de Lalín asinou un contrato por valor de 8,5 millóns de euros coa UTE UBB

A empresa lalinense Metaldeza vén de asinar un acordo coa UTE UBB para construir unha planta de refugallos sólidos en Gloucester, no condado de Gloucestershire, no Suroeste de Gran Bretaña. A operación supón un contrato de 8,5 millóns de euros pola construción duns edificios que ocuparán unha superficie de 9.200 metros e nos que empregarán 2.500 toneladas de aceiro.

- Publicidade -

Este novo proxecto de Metaldeza súmase ao que xa conseguirá no 2015 coa firma VINCI na cidade de Nova York. Na nova instalación tívose en conta o impacto visual polo que, para minimizalo, o punto máis alto da instalación será o máis achegado á autoestrada M5, onde o teito terá un pico de 48,5 metros de altura. No seu punto máis amplo, o edificio será de 55 metros, e toda a instalación terá 236 metros de lonxitude.

A instalación creará uns 300 postos de traballo durante a súa construción e 40 empregos cando estea operativa.

Faite socia, faite socio

As socias e socios de Nós Televisión son un piar básico. Desde moi pouco, a túa achega económica pode axudarnos a consolidar este espazo audiovisual libre e en galego