Os dereitos lingüísticos do galego seguen a ser vulnerados a diario no noso país. Malia ser lingua oficial en ámbitos como o socioeconómico son múltiples as queixas da cidadanía que recolleu A Mesa pola Normalización Lingüística a través da súa aplicación “A liña do galego”. Por este motivo esta entidade comezou a recoller sinaturas para presentar unha Iniciativa Lexislativa Popular para garantir eses dereitos.
A Mesa precisa reunir un mínimo de 10.000 sinaturas para presentar esta ILP e que se leve a debate no Parlamento galego
.@amesanl . @maceiragz censura que non existen ferramentas para garantir o cumprimento do dereito a usar a lingua galega https://t.co/9hud7rXWoj pic.twitter.com/gh09U5eoXs
— Nós Televisión (@NosTelevision) 27 marzo 2017
A iniciativa xa conta con apoios de entidades sociais, empresariais, sindicais e culturais que suman máis de 125 sinaturas de persoas relevantes destes ámbitos que mostraron a súa adhesión inicial. Conseguidos os apoios necesarios a ILP podería presentarse no mes de setembro.
