Fomento respondeu á demanda do Concello de Santiago e haberá reunión para falar das infraestruturas pendentes. O alcalde de Santiago, Martiño Noriega, anunciouno hoxe en rolda de prensa no Pazo de Raxoi.
Martiño: “Hai malestar na cidadanía”
Segundo informou o alcalde na reunión repasarase a situación do enlace orbital e das novas conexións da AP-9 ademais de tratar a execución de infraestruturas de cara ao vindeiro Xacobeo.
.@martinhonoriega O alcalde deu conta do malestar existente na cidadanía compostelá ante o compromisos pendentes de Fomento https://t.co/5g2yIDEJA1 pic.twitter.com/tdaFk76P0H
— Nós Televisión (@NosTelevision) 11 abril 2017
O Ministerio de Agricultura dálle o plantón á cidade
Na mesma comparecencia Noriega tamén deixou evidente o seu malestar pola anulación da reunión que tiña fixada para o 17 de abril coa ministra de Agricultura e Pesca, Alimentación e Medio Ambiente.
Onte @martinhonoriega trasladou o seu malestar ante a anulación da reunión coa ministra Isabel García Tejerina https://t.co/5g2yIDEJA1 pic.twitter.com/wtwAuVi8FO
— Nós Televisión (@NosTelevision) 12 abril 2017
O alcalde agarda que Isabel García Tejerina rectifique a anulación e dea explicacións do esquecemento por parte do seu departamento dun tema tan importante para a cidade como a EDAR.
