Onte o centro da cidade de Santiago viviu momentos de extrema violencia, primeiro pola mañá cando a policía nacional procedeu a pechar o CSO Escárnio e Maldizer que levaba en funcionamento desde o ano 2014, e logo pola tarde cando unha concentración de protesta rematou con cargas policiais.

- Publicidade -

Sobre o centro social, Martiño recoñece que en tres anos nunca houbo queixas de convivencia

O alcalde de Santiago, Martiño Noriega, amousou en rolda de prensa o seu total rexeitamento da violencia que se viviu onte e lembrou que a súa aposta e a do goberno municipal sempre foi o diálogo e as vías pacíficas.

O alcalde de Santiago lembrou que o Centro Escárnio e Maldizer levaba varios anos funcionando, mesmo na época en que o PP estaba no goberno. Martiño Noriega criticou, tamén, o mal exemplo que se está a dar á cidadanía en relación ao coidado do noso Patrimonio Histórico.

A propiedade privada e os seus límites

A maior crítica por parte do alcalde levouna a actual Delegación do Goberno que non informou en ningún momento das actuacións que pensaba realizar tal e como veu realizando noutros casos acontecidos tamén en Santiago. Martiño Noriega lembrou que o trato cando gobernaba o PP era outro.

Faite socia, faite socio

As socias e socios de Nós Televisión son un piar básico. Desde moi pouco, a túa achega económica pode axudarnos a consolidar este espazo audiovisual libre e en galego