Un momento da gala (IC)

Lembrar é contar co pasado. A Asociación de Escritores e Escritoaras en Lingua galega (AELG) rendiu unha sentida homenaxe a dúas persoas que ben merecen ser lembradas: a escritora Luz Fandiño e o músico Manuel Pazos “Pazos de Merexo”.

- Publicidade -

Foi na III Gala dos Premios Mestras e Mestres da Memoria tivo como escenario o vello cárcere de Lugo, un espazo municipal recuperado para a cultura. Contou co apoio do Concello de Lugo e da Deputación Provincial de Lugo dentro do programa “Lugo, Capital galega da Literatura de Tradición Oral”.

Entrevista de Nós Televisión a Luz Fandiño

O acto conducido por Antonio Reigosa, participaron Cesáreo Sánchez Iglesias, presidente da AELG, Marica Campo, Lois Pérez que leu a laudatio de Luz Fandiño, e Antonio Reigosa, que foi encargado de ler a laudatio de Manuel Pazos, Pazos de Merexo.

A tradición viva

Antonio Reigosa salientou de Manuel Pazos que é moi importante pois só el e uns pouquiños tocadores (Sindo de Olelas, Edelmiro de Irixo e Manuel Calvo) tocaban o diatónico ao estilo “galego” a finais do s. XX”.

De Luz Fandiño falou Lois Pérez para dicir que “foi quen, nun contexto moi adverso, de vencer as fronteiras do pensamento e acadar precisamente algo de luz. O pensamento foi feito para rivalizar co soño, nesta viaxe que todas nós facemos ao imposíbel”.

O presidente da AELG agradeceu a colaboración institucional e afirmou que “na Asociación de Escritoras e Escritores en Lingua Galega sabemos que a tradición oral de noso axudou a crear o espello onde nos ollar con dignidade cando no relato da historia que nos foron contando non nos recoñecíamos”.

Faite socia, faite socio

As socias e socios de Nós Televisión son un piar básico. Desde moi pouco, a túa achega económica pode axudarnos a consolidar este espazo audiovisual libre e en galego