Luís Villares presentaba hoxe no Parlamento de Galicia o seu novo grupo parlamentario, “con mellor comunicación e máis accesible” explicou. O novo grupo avanzou as áreas das que se vai ocupar cada un deles: Davide Rodríguez do Medio Rural e do Medio Ambiente; Pancho Casal da Economía, Facenda e Emprego; e Paula Vázquez do Servizo Público e a Cultura.

Sobre a fractura do grupo político din que querían poñer fin a erros: “Somos os mesmos, defendemos o mesmo que antes pero queremos deixar cousas atrás. Buscamos ser protagonistas das noticias soamente polas nosas ideas políticas”, explica Villares.