O recén elixido voceiro de En Marea, Luís Villares, explicou a Nós Televisión a decisión do Consello das Mareas de decidir unha soa portavocía e non optar por unha portavocía rotatoria formada por tres persoas.
Villares asegura que se buscou un punto de encontro no que “todos e todas teñen que renunciar ao que separa para buscar o que une”.
O Consello das Mareas elixiu este pasado domingo, ademais da portavocía de Luís Villares, á súa coordinadora que quedou formada por Alfonso Diz, Sara Torreiro, Esther Duro, Ana Seixas, Victoria Esteban, Gonzalo Rodríguez, Chelo Martínez, Elena Cores, Mario López Rico e Iria Morgade
Valoracións sobre a “saída” de Equo da Marea
Luís Villares tamén valorou a recente saída da organización Equo do espazo de En Marea. Neste sentido, o voceiro de En Marea reiterou que a decisión desta organización se tomou previamente á xuntanza deste domingo e que, en todo caso, a afiliación á Marea é individual e non colectiva.
Sobre a decisión de Equo de abandonar En Marea tamén falou onte o seu voceiro, Luís Villares https://t.co/GhBLcySsB5 pic.twitter.com/QNOI1yNYWa
— Nós Televisión (@NosTelevision) 05 abril 2017
