Lixeira reforma nas responsabilidades do Goberno municipal de Santiago. O alcalde de Santiago presentou hoxe, tal e como anunciara hai uns días, a remodelación de goberno xusto cando se cumpren os dous anos de mandato. A comparecencia contou coa presenza de máis medios de comunicación do habitual malia ter avisado Noriega en máis dunha ocasión que realizaría un reaxuste de áreas cos concelleiros e concelleiras cos que conta.
Máis información:
- Galicia Confidencial: Noriega remodela o goberno de Compostela
Ademais, Martiño Noriega amosouse satisfeito co funcionamento xeral do executivo municipal e puxo en valor o esforzo dun executivo formado por “xente que chegou ao Pazo de Raxoi sen ter experiencia na administración local”
Martiño Noriega: “A reforma tería sido máis ampla de ter entrado o BNG no Goberno”
As mudanzas
-
María Rozas seguirá ocupando a primeira tenencia de alcaldía e mantén as delegacións de Economía e Facenda, Persoal e Réxime Interno, ás que suma Contratación e Arquivo.
-
Jorge Duarte mantense tamén como segundo tenente de alcalde e concelleiro de Espazos Cidadáns, Dereito á Vivenda e Mobilidade, competencias ás que suma as de Participación e Relacións Veciñais que se viñan exercendo desde alcaldía.
-
Rafael Peña será edil de Medio Rural, Mantemento e Obras para o Reequilibrio Territorial
-
Marta Lois será designada terceira tenente de alcalde. Mantense tamén como voceira do grupo municipal, coas competencias en Igualdade, Desenvolvemento Económico e Turismo.
-
Noa Morales asumirá as competencias en materia de Mercados, que conserva Mocidade, Deportes e Benestar Animal.
-
Xan Duro suma as competencias de Innovación á concellería de Medio Ambiente e Convivencia.
Outros cambios na estructura interna do goberno
Martiño Noriega tamén deu conta do nomeamento definitivo de Xoaquín Monteagudo como xefe da asesoría xurídica do goberno. Tamén anunciou o cesamento da xefa do servizo de Licenzas e Urbanismo, Berta Rosón e a súa substitución por outra funcionaria municipal.
- Máis información: Nós Televisión entrevista a Xoaquín Monteagudo na Cámara Branca
