Lecturas, exposicións e intercambios de exemplares para conmemorar o Día do Libro

A rede de Centros Cívicos prepara un amplo programa de actividades para desenvolver en Santa Marta, Vite, Fontiñas e Conxo, nunha xornada dedicada a Hans Christian Andersen

O escritor danés Hans Christian Andersen será o gran protagonista do Día do Libro en Compostela. O Concello baseará a celebración na figura do autor de obras como ‘A sereíña’ a través dunha exposición que ficará no centro sociocultural de Vite todo o mes. Así e todo, farase unha lectura dos clásicos de Andersen o día 25 en Fontiñas. Por outra banda, o CSC de Vite converterase o día 21 no ‘Nautilus’. Ambientarase a biblioteca como se fose a do emblemático submarino deseñado polo escritor francés Jules Verne.

- Publicidade -

O Día do Libro rende homenaxe a Andersen e Verne

Unha das actividades máis salientábeis desta xornada é a “solta de libros”. O 24 de abril en Fontiñas e o 25 en Vite, as bibliotecas dos centros cívicos agasallarán á cidadanía cos excedentes obtidos nas campañas de doazón. Nesta liña, do 16 ao 27 de abril haberá unha Feira do Troco de Libros no barrio de Santa Marta.

Programa de actividades

Faite socia, faite socio

As socias e socios de Nós Televisión son un piar básico. Desde moi pouco, a túa achega económica pode axudarnos a consolidar este espazo audiovisual libre e en galego