Home Programas Espazo Aberto Lalín investirá 165 mil euros no saneamento de Zobra

Lalín investirá 165 mil euros no saneamento de Zobra

0
Lalín investirá 165 mil euros no saneamento de Zobra

Unha das parroquias máis afastadas do concello de Lalín, Zobra, contará nun futuro con rede de sumidoiros conectada ao saneamento municipal. Anunciouno o alcalde Rafael Cuíña ao tempo que aseguranba que era das obras “máis ambiciosas e máis ilusionantes das proxectadas no marco dos plans municipais para a recuperación do rural”. As obras realizaránse ao abeiro da liña 1 do Plan de Concellos da Deputación e contará cun investimento que supera os 165.000 euros. Ao remate veciños dos lugares de Zobra, Acebedo e Portela, poderán comunicar as súas vivendas a unha nova rede de sumidoiros, tal e como viñan demandando dende hai varios anos.

O concello xa realizou un investimento de preto de 60.000 euros na construción dunha Estación Depuradora de Augas Residuais (EDAR) coa que dar servizo ao saneamento. Trátase dun sistema absolutamente innovador e respectuoso co entorno, que alcanza unha excelente purificación mediante a creación de humedais artificiais con plantas autóctonas que xeran uns microoganismos encargados de eliminar os residuos.