Jorge Suárez apela á “responsabilidade”: o Pleno de Ferrol debaterá mañá o desbloqueo do conflito sobre a recollida do lixo

O Pleno deste xoves podería resolver o problema cos pagos aos traballadores da empresa que xestiona a limpeza en Ferrol

O goberno municipal de Ferrol levará as facturas que se adeudan a Urbaser, a empresa que xestiona a recollida do lixo na cidade, ao vindeiro Pleno municipal que terá lugar este xoves. Jorge Suárez apelou en rolda de prensa á “responsabilidade” dos grupos da oposición, en relación á actitude do PP, para solucionar un problema que podería derivar en conflito laboral.

- Publicidade -

Suárez apela á “responsabilidade” da oposición no conflito con Urbaser

O alcalde asegurou diante dos medios de comunicación que ten un contacto fluido co comité de empresa. “Tentar evitar a conflitividade”, sinalou. Por este motivo o seu executivo quere pagar esas facturas e unha maneira é que sexa o propio Pleno quen dea o visto bo.

Ata agora o PP obstaculizou co seu voto o pago desta débeda que, segundo o alcalde, vén desde novembro ata este mesmo mes.

Na rolda de prensa tamén informou que están a valorar outro modelo para este servizo na cidade de Ferrol.

Faite socia, faite socio

As socias e socios de Nós Televisión son un piar básico. Desde moi pouco, a túa achega económica pode axudarnos a consolidar este espazo audiovisual libre e en galego