Choven as críticas de todos os grupos parlamentarios da oposición ante o adianto do debate de estado de autonomía, que terá lugar o próximo mércores 25. Todos coinciden en que se trata dun uso electoralista das institucións e teñen claro que Feijóo segue mirando a Madrid, coa posta vista nas posibles eleccións xerais.

- Publicidade -

Para Gonzalo Caballero, o de Feijóo é un proxecto esgotado. Na mesma liña se pronunciaba Ana Pontón, que o acusaba de caer no “infantilismo”. Desde o Grupo Común da Esquerda, Luca Chao queixábase de que o Presidente da Xunta dea prioridade ao que pasa en Madrid fronte aos problemas na educación ou a sanidade, como na sanidade ou os graves prexuízos para o medio ambiente. Para Paula Verao, do Grupo Mixto, Feijóo pon os seus intereses electoralistas persoais por diante dos intereses das galegas e galegos.

Pedro Puy considera que se trata dun “lixeiro adianto” e malia que dixo con retranca que non sabe se Feijóo vai ou non ao psicólogo, asegurou que non ten trauma ningún, en resposta ao comentario de Ana Pontón.

Faite socia, faite socio

As socias e socios de Nós Televisión son un piar básico. Desde moi pouco, a túa achega económica pode axudarnos a consolidar este espazo audiovisual libre e en galego