As catro formacións políticas con representación no concello de Santiago fixeron hoxe unha primeira valoración dos Orzamentos Xerais do Estado para 2017, e das partidas que destinan a Santiago. A única valoración positiva saíu do Partido Popular que se centrou na súa execución como tema fundamental. O alcalde de Santiago, Martiño Noriega sentiuse “indignado” e afirmou non ter explicación para que non figuren compromisos adquiridos polo goberno español.
“Son inexplicables” Martiño Noriega, Alcalde de Santiago
Tanto o voceiro municipal do PsdeG-PSOE, Paco Reyes, como o voceiro do Bloque, Rubén Cela, criticaron duramente os Orzamentos Xerais do Estado para o 2017. Desde as filas socialistas critican o que consideran un “ninguneo” coa capital de Galicia. Pola súa banda, Rubén Cela denunciou que estes orzamentos son “malos e pésimos” e contan con eivas importantes.
.@martinhonoriega afirma estar “indignado” por uns Orzamentos do Estado que habería que “tirar ao lixo” https://t.co/bumxag6SPT pic.twitter.com/VfpgDjkfl2
— Nós Televisión (@NosTelevision) 05 abril 2017
.@pacoreyesstgo afirma que a visita de @Sorayapp a Santiago foi o “aperitivo de algo peor”: os Orzamentos Xerais https://t.co/bumxag6SPT pic.twitter.com/2pEhNfVVwk
— Nós Televisión (@NosTelevision) 05 abril 2017
“Uns orzamentos malos para Galiza e peores para Santiago” https://t.co/bumxag6SPT Valoración de @rubencela dos Orzamentos Xearis do Estado pic.twitter.com/jHSYUIQHdc
— Nós Televisión (@NosTelevision) 05 abril 2017
Sánchez Brunete (@PopularesStgo) defendeu os Orzamentos Xerais do Estado https://t.co/bumxag6SPT “Aínda estamos saíndo dunha crise” pic.twitter.com/Y0glvmODy9
— Nós Televisión (@NosTelevision) 05 abril 2017
A única voz que defendeu as contas do Estado para a cidade e para o país foi a de Alejandro Sánchez- Brunete, concelleiro do PP, que asegurou sentirse “moderadamente satisfeito” e defendeu esta idea argumentando que “aínda estamos a sair da crise”.
No concello tamén se falou dos orzamentos do Estado para Galiza que segundo presentou o ministro de Facenda español, prevén un investimento real de 924,54 millóns de euros, 442 millóns menos que nas contas de 2016.
