Indignación ante a perda de poder adquisitivo das e dos pensionistas

Saímos á rúa para conversar con veciñas e veciños e Santiago sobre o futuro das pensións públicas

A cidadanía clama por unha mudanza considerábel no sistema estatal de pensións. Os subsidios increméntanse en 2018 nun 0’25%, unha suba cualificada de “mísera” polo sindicato UXT que non paliará a perda de poder adquisitivo das e dos pensionistas. Así e todo, a coñecida como “hucha das pensións” atópase baixo mínimos trala última intervención do Goberno o pasado mes de decembro, polo que, segundo as estimacións, os fondos actuais só poderían cubrir unha paga máis. A sociedade compostelá teme polas súas pensións e esixe solucións ao Estado.

- Publicidade -

Deberían revisar as pensións para que teñan garantías malia que todo apunta que no futuro diminuirán

A “hucha das pensións” atópase baixo mínimos históricos

Polémica e “soberbia” no PP

O pasado martes, Celia Villalobos, deputada do PP no Congreso, pronunciaba un polémico discurso acerca da grave crise que atravesa o sistema público de pensións, asegurando que “hai pensionistas que están máis tempo cobrando a pensión que traballando”. Estas desafortunadas verbas da exvicepresidenta do Congreso suscitaron certo malestar nas rúas.

Indignación ante as recomendacións de plans privados de pensións

Asemade, Villalobos foi máis alá e recomendou á xente máis nova que “asegure o seu futuro” investindo en fondos de pensións privados, como remedio para paliar a perda de poder adquisitivo das pensións do sector público. A cidadanía de Santiago tamén discrepou neste punto.

Ante este panorama de incertidume acerca do futuro do sistema público de pensións, os sindicatos fan un chamamento á mobilización social e anuncian accións de protesta para as vindeiras datas.

Faite socia, faite socio

As socias e socios de Nós Televisión son un piar básico. Desde moi pouco, a túa achega económica pode axudarnos a consolidar este espazo audiovisual libre e en galego