Humor, música e maxia circense para denunciar a ocupación de Palestina

A gala solidaria de Festiclown Palestina celebrarase o vindeiro 28 de decembro no Teatro Principal

Ante a barbarie, un sorriso. Ese é un dos principais obxectivos do colectivo Pallasos en rebeldía, que o vindeiro 28 de decembro celebrará unha gala de humor solidario no Teatro Principal para financiar a quinta edición do circo rebelde “Festiclown Palestina”. Trátase do único festival do mundo contra a ocupación dos territorios palestinos, e contou coa colaboración en edicións anteriores de artistas coma Charango, Leo Bassi ou Pepe Viyuela.

- Publicidade -

“Soñar cun mundo mellor, onde as persoas son máis importantes que as fronteiras”

Nesta gala, que será presentada pola actriz Isabel Risco, participarán o mago Dani García, os circos Chosco e Raquel Veganzones e os músicos Paco Nogueiras e Uxía. O representante de Pallasos en rebeldía, Iván Prado, incidiu na vertente solidaria desta cita, que pretende levar os risos e a esperanza ás nenas e nenos de Palestina.

Entradas

As entradas poderán adquirirse a un prezo de 5 euros nas plataformas de venda habituais. As persoas que non poidan asistir pero queiran axudar ao financiamento deste espectáculo, poderán contribuír cun donativo a través da ‘Fila 0’ que dispón a organización.

Faite socia, faite socio

As socias e socios de Nós Televisión son un piar básico. Desde moi pouco, a túa achega económica pode axudarnos a consolidar este espazo audiovisual libre e en galego