O baile tradicional galego é un piar moi destacable na historia da nosa terra. É o protagonista das festas, foliadas ou calquera tipo de xuntanza social. Precisamente pola súa longa historia hai quen se pregunta se debe evolucionar ou non.

Xulia Feixoo forma parte de Arredor da tradición, un grupo que se encarga de investigar e divulgar información sobre o baile tradicional galego. A Carme Campo e a Chus Caramés tamén lles intrigaba este tema e por iso decidiron comezar o proxecto Andar cos tempos, no que profundizaron na historia do baile para poder responder a todas as dúbidas que tiñan elas como bailadoras e como profesoras. Óscar Cobos ten un longo percorrido no mundo do baile e hai anos creou Galicia século XXI para desfacerse de todos os estereotipos do baile galego e comezar a falar de persoas en lugar de mulleres e homes.

Este é o comezo dunha reportaxe na que da man deles iremos resolvendo dúbidas sobre a tradición e o baile.