Goretti Sanmartín compaxinará a vicepresidencia da Deputación da Coruña coa portavocía municipal do BNG

A candidata nacionalista á alcaldía de Santiago comeza artellar a súa campaña, e anuncia que a súa "papeleta" estará composta por "xente nova" e persoas "con experiencia", incluídas non militantes

O BNG de Santiago quere facer os seus deberes con tempo e está xa a traballar no deseño da súa candidatura para as eleccións de 2019. A cabeza de lista será Goretti Sanmartín, que estará acompañada na listaxe definitiva por “xente nova” e persoas “con experiencia” na política local, tanto de dentro coma de fóra do partido.

- Publicidade -

A listaxe do BNG mesturará xente nova con persoas experimentadas

Sanmartín manterá proximamente xuntanzas con diferentes sectores da cidade para artellar o seu progama electoral. A nova cara visíbel da formación anunciou este xoves, nun almorzo informativo, que asumirá a portavocía municipal do partido, até o de agora competencia de Rubén Cela.

Compatibilidade coa Deputación

O seu novo cargo como voceira será compaxinado durante os vindeiros meses coa vicepresidencia da Deputación da Coruña. A concelleira nacionalista lembra que a súa formación avoga pola supresión das deputacións, mais, mentres isto non aconteza, a institución seguirá a “servir á cidadanía” a través dun “programa de actuación claro e conxunto” entre o BNG e o PSdeG.

Faite socia, faite socio

As socias e socios de Nós Televisión son un piar básico. Desde moi pouco, a túa achega económica pode axudarnos a consolidar este espazo audiovisual libre e en galego