Cinco persoas nun vagón de metro. Catro galegos e un inglés en Londres. Esta mañá, na cidade de Compostela, presentouse a obra teatral Get Back, que se centra en tomar como punto referencial unha característica esencial no pobo galego: a emigración. Ademais, aposta por tratar, cun ton cómico, problemas latentes na actualidade tales como o yihadismo ou que suporá o Brexit para todas e todos nós. De feito, parte da promoción desta peza, consistiu nunha representación dun anaco da obra nun autobús urbano da cidade. O desconcerto, para dar paso ás caras dos viaxantes que esbozaban un sorriso, deixáronse entrever no autobús. Un dos actores da peza, Federico Pérez, esbozou un breve resumo da obra.

- Publicidade -

getbackO autor da obra, Diego Ameixeiras, explicou que a idea inicial é de Camilo Franco e comentou, a maiores, que os prexuízos son unha cuestión que quixeron desbotar desta obra que chega na metade da súa xira e que vén de pasar por diferentes puntos do país: Vigo, Pontevedra, Ourense ou Narón.

A concelleira de Facenda, María Rozas, resaltou que isto é unha mostra do talento do país, o cal, en palabras súas, é “independente das oportunidades”. A edil resaltou tamén que a obra versará sobre temas cotiás e de actualidade que poderían involucrarnos a todas e todos. A obra, ademais do “pequeno aperitivo do autobúspoderá verse xoves, venres e sábado no Teatro Principal.

Faite socia, faite socio

As socias e socios de Nós Televisión son un piar básico. Desde moi pouco, a túa achega económica pode axudarnos a consolidar este espazo audiovisual libre e en galego