“A Galiza e os Açores temos traços comums”

A Presidenta da Asemblea Lexislativa das Azores visita Santiago de Compostela

A presidenta da Asemblea Lexislativa da Rexión Autonóma das Illas dos Azores, Ana Luísa Pereira Luís, visitou esta mañá o Pazo de Raxoi acompañada polo presidente do Parlamento de Galicia, Miguel Santalices, representantes municipais e tamén da Asemblea dos Azores.

- Publicidade -

Santiago é un dos lugares do mundo que aínda transmite paz

No Salón rexio foi recibida polo alcalde de Santiago, Martiño Noriega, e por varios membros da crporación municipal.

Noriega lembrou o vínculo lingüístico entre o galego e o portugués

Logo de asinar no libro de honra, Noriega salientou as relacións entre ambos pobos que comparten elementos importantes como son lingua e o mesmo mar. Polo seu lado Ana Luís afirmou sentirse leda nunha cidade “que respira paz” e nun país que mantén lazos históricos co seu.

Ana Luís é a primeira muller presidenta da Asemblea dos Azores, un órgano que celebra este ano o seu cuarenta aniversario.

Faite socia, faite socio

As socias e socios de Nós Televisión son un piar básico. Desde moi pouco, a túa achega económica pode axudarnos a consolidar este espazo audiovisual libre e en galego