Sesenta concellos e as deputacións de A Coruña, Lugo e Pontevedra participaron na sinatura do protocolo de colaboración para o desenvolvemento da campaña ‘En negro contra as violencias’. As dirixentes das diferentes administracións chamaron á concienciación social e instaron ós gobernos da Xunta e do Estado a axudar a combater esta lacra participando activamente de iniciativas coma esta.
O alcalde de Santiago @martinhonoriega afirmou na sinatura do Protocolo da campaña #contraasviolencias que “non se poden normalizar os asasinatos machistas, isto ten que ser unha prioridade do Estado” #galiciaennegro #Compostelaennegro pic.twitter.com/YqbJV12KCT
— Nós Televisión (@NosTelevision) 15 de noviembre de 2017
Conseguir unha forte sensibilización cidadá é o principal obxectivo da edición máis exitosa desta campaña contra as violencias machistas. Neste eido, as alcaldesas e os alcaldes que participaron no acto consideraron que educar á sociedade na igualdade é un eixo fundamental para vencer ó machismo.
.@GorettiSRei tamén estivo hoxe na presentación do #GaliciaEnNegro: “Atopámonos ante unha verdadeira situación de emerxencia” pic.twitter.com/VGKmFSaFDj
— Nós Televisión (@NosTelevision) 15 de noviembre de 2017
