O Efecto Proximidade, unha acción de dinamización que busca achegar ao público do mercado propostas de lecer e cultura, levou o mellor flamenco galego ao mercado compostelán de Salgueiriños e achegou a gastronomía ecolóxica ao público da feira. A concelleira de Igualdade, Desenvolvemento Económico e Turismo, Marta Lois, explicou a importancia deste tipo de actividades.

- Publicidade -

Polas rúas do mercado o grupo os Emijrantes amenizaban unha chuviosa xornada e na propia carpa habilitada polo concello para o concerto repartíronse de balde sopas e cremas ecolóxicas a modo de degustación para o público asistente.

A xornada rematou coa actuación de Cuchus Pimentel e a formación Vigo Distrito Flamenco, unha agrupación de recente formación que pretende mostrar o flamenco sen recorrer a fusións, mistificacións ou estereotipos do pasado, senón personalizando e actualizando a tradición co respecto que deriva da experiencia.

Faite socia, faite socio

As socias e socios de Nós Televisión son un piar básico. Desde moi pouco, a túa achega económica pode axudarnos a consolidar este espazo audiovisual libre e en galego