Lonxe de ser unha ferramenta para que se cobren todas e cada unha das horas traballadas, fichar é unha medida contraproducente para os traballadores segundo denuncian os sindicatos. “Presións”, “ameazas”, “xeolocalizacións” do cadro do persoal e maiores impedimentos para reclamar cantidades nos xulgados son algunhas das situacións que denuncian Leonardo da Cruz, secretario de Organización da CUT-Compostela, Renato Núñez, secretario Confederal de Servizos na CIG e Ramón Sarmiento, secretario xeral de CC.OO. Galicia.