Dúas das tres sindicalistas multadas por realizar piquetes no marco da folga do 8M terán que acudir o martes da semana que vén aos xulgados de Fontiñas, en Compostela. A terceira feminista multada aínda se atopa pendente de xuízo. Coincidindo co xuízo, convocan unha concentración de apoio ás feministas para as 10 horas ante os xulgados e  animan a levar “material subversivo” á convocatoria, como o incautado no 8M: bridas, tizas, panos, etc. Dende o sindicato CUT denuncian que as identificacións realizadas pola Policia Nacional contra as súas afiliadas non foron arbitrarias e ve “represión política” na imposición de multas a tres das súas afiliadas no marco da folga xeral do 8M.

- Publicidade -

Faite socia, faite socio

As socias e socios de Nós Televisión son un piar básico. Desde moi pouco, a túa achega económica pode axudarnos a consolidar este espazo audiovisual libre e en galego