Feijóo non se disculpa e di que a oposición está molesta por traer o cadro de Castelao

O presidente da Xunta de Galicia lembrou os incidentes da traida dos restos de Castelao para falar das súas polémicas palabras

Feijóo tiña ben aprendido o seu discurso e non retirou nin unha coma do que dixo onte na recepción do cadro de Castelao. O presidente da Xunta reiterou en rolda de prensa o seu orgullo por ter sido o seu goberno o que trouxo A derradeira leición do mestre a Galiza.

- Publicidade -

“Se somos culpables de traer o cadro a Galicia asumimos esa responsabilidade”, asegurou con retranca hoxe diante da prensa, “non debera haber ningún político ao que lle moleste que ese cadro o teñamos aquí, lamento que a alguén lle moleste”.

“Castelao é patrimonio de todos e non é propiedade dos nacionalistas nin de ningún partido”

O patrimonio de Castelao

Mais foi máis alá reivindicando o legado do histórico nacionalista e pasou ao contrataque. “Castelao é patrimonio de todos e non é propiedade dos nacionalistas nin de ningún partido”, afirmou o presidente da Xunta.

E aínda como querendo retar á oposición, nomeadamente ao BNG e a En marea, chegou a sinalar que “imos mellorando, porque cando chegaron os restos de Castelao os incidentes lamentables que alí se produciron, neste caso non se produciron”.

Faite socia, faite socio

As socias e socios de Nós Televisión son un piar básico. Desde moi pouco, a túa achega económica pode axudarnos a consolidar este espazo audiovisual libre e en galego