Feijóo defende o “europeísmo emocional” ante o ‘Brexit’

Nun acto organizado polo Foro Galego do Brexit, o presidente da Xunta instou á creación dun tratado de libre comercio co Reino Unido para que os buques galegos sigan a pescar en augas británicas

Os ecos do ‘Brexit’ chegan a Galicia. O presidente da Xunta, Alberto Núñez Feijóo, expuxo nun acto celebrado polo Foro Galego do Brexit os grandes obxectivos do país por mor do proceso de desconexión do Reino Unido. Feijóo critica as posturas “euroescépticas” e fai un chamamento ao “europeísmo emocional”, ao tempo que propón a creación dun tratado de libre comercio para que arredor de 110 buques galegos podan seguir operando en augas británicas.

- Publicidade -

Máis dun cento de buques galegos opera hoxe en augas británicas

Por outra banda, o presidente galego asegurou tamén que pulará por que Galicia siga a percibir as subvencións europeas procedentes dos fondos FEDER e a PAC —Política Agraria Común—, co gallo de compensar o “cambio demográfico” que está a atravesar actualmente o país.

Negociacións do ‘Brexit’

Neste evento participou tamén o embaixador permanente do Estado español ante a UE, Pablo García-Berdoy. O diplomático incidiu na importancia de negociar o proceso do ‘Brexit’ con “firmeza” e a “unidade” dos outros 27 Estados membros.

Faite socia, faite socio

As socias e socios de Nós Televisión son un piar básico. Desde moi pouco, a túa achega económica pode axudarnos a consolidar este espazo audiovisual libre e en galego