Remataron as Festas do #Apóstolo2018 e esta mañá chegou a primeira valoración por parte da concelleira @BrancaNovoneyra pic.twitter.com/jqYouD5Js4
— Nós Televisión (@NosTelevision) 1 de agosto de 2018
As Festas do Apóstolo de 2018 chegan á súa fin, e o Concello de Santiago amósase satisfeito polo balance final que deixa tras de si o principal evento da cidade. A concelleira de Acción Cultural, Branca Novoneyra, salientou hoxe que este “Apóstolo das Mulleres” estivo marcado pola “alta participación”, xa que acudiron varios milleiros de persoas ás diferentes actividades programadas.
Os concertos de Rubén Blades, Wolfmother e Rosalía na praza da Quintana foron os eventos máis multitudinarios, xa que cada un deles reuniu a preto de 5.000 asistentes. Novoneyra fai agora un chamamento a “reflexionar” sobre estas festas de cara ás vindeiras edicións.
