“Estivemos moitas horas na gravación do programa e non aparecimos nin un só minuto”

Indignación do colectivo de axentes medioambientais. Malia as desculpas do propio Calleja, agora censuran o "afán de protagonismo" da Xunta de Galicia

No programa Volando Voy, dirixido por Jesús Calleja, non houbo unha imaxe veraz da problemática dos incendios no noso país. Así de claros se amosaron hoxe as e os axentes medioambientais e forestais perante as cámaras de Nós Televisión.

- Publicidade -

O masivo enfado do colectivo, manifestado durante a emisión en directo deste coñecido programa, explícase pola omisión da voz e do papel deste colectivo durante a tráxica vaga de lumes do pasado ano. Din, desde o propio colectivo, que en ningún momento deste exitoso programa se contou a realidade dos incendios forestais en Galicia. “Non foi unha imaxe veraz” resaltou hoxe un dos voceiros do colectivo.

Desculpas: “Somos conscientes de que sodes vós quen apagades os lumes”

Trala avalancha de críticas recibidas durante a emisión do programa, o propio Jesús Calleja “rectificou” e mandou unha mensaxe de recoñecemento cara a labor profesional das e do axentes medioambientais e forestais. “Puxemos o foco no desastre dos incendios e fáltanos tempo para todos os agradecementos” quixo resaltar o conductor do programa para xustificar a omisión do papel deste colectivo durante a emisión do programa

Faite socia, faite socio

As socias e socios de Nós Televisión son un piar básico. Desde moi pouco, a túa achega económica pode axudarnos a consolidar este espazo audiovisual libre e en galego