A Confederación Intersindical Galega (CIG) fai un chamado a todas as persoas a non consumir neste Xoves Santo en ningún supermercado ou superficie comercial polo dereito a descanso das traballadoras e traballadores do sector da alimentación. Carmiña Navieiro e Lucía Freire, ambas da CIG-Servizos Compostela, explican ante a cámara de Nós Televisión a situación que atravesan as traballadoras dos supermercados ante esta crise social e sanitaria.

As sindicalistas relatan que en establecementos como o DIA, GADIS ou EROSKI “non se adoptan medidas para previr os contaxios”. Colocan exemplos e apuntan que esta información é coñecida pola Inspección de Traballo, a Consellería de Sanidade e a Subdelegación do Goberno central. “O desleixo da cadea de alimentación é superior ao do resto de sector”. Que está sucedendo? Como se atopan as traballadoras e como sairá o sector desta crise? Navieiro e Freire ofrecen as seguintes respostas: