Sensibilizar sobre as agresións e o acoso no transporte urbano e facer dos espazos públicos lugares seguros, é a finalidade da nova campaña impulsada polo Goberno de Santiago, incluida dentro das accións desenvolvidas polo 25N e o 8M. A Concelleira de Igualdade, Marta Lois, presentou os cartaces instalados en todos os autobuses, que proprcionan pautas para actuar en caso de sufrir ou ser testigo dalgún tipo de violencia machista.

- Publicidade -

Este autobús é un espazo libre de violencias machistas” son as verbas que se poden ler en todos os autobuses a partir do 25 de marzo, xunto o número da Policía Local e un chamamento a actuar en caso ver algun acoso ou agresión. En palabras da Concelleira, a finalidade é conseguir que “o conxunto da cidadanía protexa os espazos públicos e sexan libres de violencias machistas”.

Facer que as denuncias cheguen ás autoridades e non só se queden nas redes sociais, ou instar a que sexan os vitimarios os que teñan que abandoar o transporte e non as vítimas, son algunhas das situacións que esta campaña tenta mudar. Por isto mesmo, a empresa TUSSA e os propios condutores e condutoras dos autobuses colaboran co Concello. Conseguir involugrar ao groso da poboación e espertar a responsabilidade social é vital para facer dos espazos públicos lugares seguros.

Faite socia, faite socio

As socias e socios de Nós Televisión son un piar básico. Desde moi pouco, a túa achega económica pode axudarnos a consolidar este espazo audiovisual libre e en galego