Voceiras e representantes dos grupos parlamentarios amosaron hoxe a súa repulsa ao triple feminicidio de Valga.

Nas redes, organizacións feministas convocaron mobilizacións os próximos días baixo o hashtag #AlertaFeminista. Pilar Estévez, activista feminista, chamou á mobilización e esixiu máis compromiso á administración.

Nesa liña pronunciáronse desde BNG, Grupo Mixto e Grupo Común da Esquerda. Luca Chao (GCdaE) violencia machista “máis recursos” contra a violencia machista. Pola súa parte, Paula Verao (En Marea) anunciou unha proposta para facer que a comisión parlamentaria de igualdade pase a ser permanente e denunciou a precarización laboral nas mulleres. Ana Pontón, voceira do BNG, pediu “máis recursos destinados a educación para rematar co sistema patriarcal”.