Entregados os premios do concurso Fotolingua

O alcalde entrega os premios aos establecementos gañadores do #Fotolingua

O alcalde entregou os premios aos establecementos gañadores do #Fotolingua. Os tres establecementos protagonistas das imaxes premiadas na segunda edición de #Fotolingua, un concurso que ten como obxectivo darlle visibilidade aos comercios que fan uso do galego, foron a Panadería O Cornecho, a Libraría Chan de Pólvora e o Ultramarinos Algalia.

- Publicidade -

Establecementos premiados

Panadería O Cornecho. Galeras

A primeira visita do alcalde foi na Panadería O Cornecho en Galeras. A fotografía foi publicada en Facebook por Sofía Aguirre, que non puido recibir o premio porque non respondeu á mensaxe da organización nos tres días que establecen as bases.

Ultramarinos Algalia

A segunda parada foi no Ultramarinos Algalia.

Martiño Noriega entregoulle tanto o premio do certame, unha cámara de fotos, como o distintivo para a súa tenda a Silvia Cristo.

Chan da Pólvora. San Pedro

A terceira e última parada foi na libraría Chan da Pólvora, na rúa de San Pedro, que protagoniza a imaxe publicada por Óscar Curros en Instagram, e que foi a que obtivo máis likes, concretamente un total de 250.

A organización de #Fotolingua tamén quixo facer unha mención especial a dúas persoas que participaron no concurso: Xaime Varela Sieiro, polas moitas imaxes tomadas na zona do Castiñeiriño e Pontepedriña; e a Chus Acivro, polo grande impacto nas redes alcanzado polas imaxes da súa tenda Acivro Xoias.

Faite socia, faite socio

As socias e socios de Nós Televisión son un piar básico. Desde moi pouco, a túa achega económica pode axudarnos a consolidar este espazo audiovisual libre e en galego