Os concellos da Coruña, Ames, Cangas, Carballo, Ferrol, Lugo, Poio, Pontevedra, Ribadeo, Sada, Sarria, Teo, Tui, Vilalba e Zas súmanse este ano á campaña impulsada en 2015 dende Santiago para concienciar á sociedade sobre a lacra das violencias machistas co nome de Compostela en negro.
Análises sobre como erradicar as violencias machistas
Na mañá de hoxe participaron no Pazo de Raxoi ás concelleiras e concelleiros responsábeis das áreas de igualdade dos Concellos participantes. Nós Televisión quixo recoller as intervencións do Alcalde de Zas, Manuel Muíño, a concelleira de Educación e Igualdade de Ribadeo; Mariluz Álvarez e da Concelleira de igualdade de Pontevedra, Carme Fouces. Nas intervencións relatáronse diversas experiencias nestas localidades sibre como rematar coa lacra da violencia machista.
Haberá novidades nas vindeiras semanas
Nas vindeiras semanas concretaranse as diferentes actuacións mediante a sinatura dun protocolo na que estarán presentes os 15 concellos. Polo de agora, só no concello de Santiago xa amosaron o seu interese en participar ao redor de 300 comercios.
