E de que vai isto da democracia?

Unha reflexión sobre orzamentos participativos

Achegámonos ata A Coruña para debater e reflexionar sobre as experiencias sobre democracia participativa e, en especial, sobre os orzamentos participativos

Son cada vez máis as cidades que apostan pola implantación de medidas que posibilitan a participación cidadá. Votar cada catro anos non é sufiencie. Existe no Estado xa unha axenda común con mecanismos da chamada democracia participativa ao tempo que a cidadanía reclama máis información para participar na toma de decisións.

[vc_video link=”https://www.youtube.com/watch?v=b4t23-00wgk” css_animation=”top-to-bottom” title=”Unha reportaxe de Nós Televisión”]

A Coruña acolleu a comezos do mes de xullo o IV Encontro Ibérico de Democracia e Orzamentos Participativos. O espazo tivo como obxectivo a reflexión e o debate sobre as diversas experiencias de orzamentos participativos que están a se levar a cabo en toda a península e marcar unha axenda común para seguir profundando na democracia participativa.

Un resumo da reportaxe

Experiencias cidadás

A Democracia e os orzamentos participativos nas cidades foi o tema de debate no IV Encontro Ibérico celebrado no Ágora da Coruña. As experiencias cidadás de Galiza, Portugal,do Estado Español e América foron expostas en común para o avance da democracia participativa.

Os orzamentos participativos son procesos de intervención directa, permanente, voluntaria e universal no que a veciñanza delibera e decide a asignación de recursos públicos​. Deste xeito, adentrámonos en experiencias como a de Tomiño e Vilanova de Cerveira posibilitaron a elaboración de orzamentos participativos entre a veciñanza das dúas vilas.

O encontro

O encontro, a través de mesas de traballo e conversas, serviu tamén para reflexionar e traballar sobre a diversidade da participación e a súa accesibilidade, pondo especial atención en colectivos como a infancia, a mocidade ou as persoas que non teñen autonomía dixital.

Faite socia, faite socio

As socias e socios de Nós Televisión son un piar básico. Desde moi pouco, a túa achega económica pode axudarnos a consolidar este espazo audiovisual libre e en galego