Doce liñas de autobús prestarán servizo nocturno durante as Festas do Apóstolo

Haberá catro frecuencias, entre as 00.00h e as 03.00h, e chegarán a tódalas parroquias da cidade

Co gallo de evitar que a xente conduza de noite en período de festas, o Concello de Santiago porá a disposición da cidadanía un servizo nocturno de autobuses durante o Apóstolo. Trátase dunha proposta impulsada dende os orzamentos participativos do pasado ano, e permitirá establecer catro frecuencias cada hora dende as 00.00h até as 03.00h.

- Publicidade -

Haberá doce liñas activas que conectarán o centro histórico de Compostela con tódalas súas parroquias. En concreto, serán as seguintes: 1, 4, 5, 6, 7, 8, C11, P1, P2, P3, P7 e P8. Este reforzo funcionará entre o 21 e o 31 de xullo.

Preme na imaxe para ampliar

Servizo especial para a Festa do Escalo

Por outra banda, a corporación local lembra que ofrecerá tamén un servizo especial de autobús con motivo da Festa do Escalo, en Chaián. Haberá buses dende as 10.00h, con frecuencias cada dúas horas.

Faite socia, faite socio

As socias e socios de Nós Televisión son un piar básico. Desde moi pouco, a túa achega económica pode axudarnos a consolidar este espazo audiovisual libre e en galego