O ensaio en clave persoal é cada vez máis ocorrente na nosa literatura. É o caso do “Diario sen datas dunha aborixe galega” de Diana Varela Puñal, publicado pola Editorial Laiovento. A modo de diario, desde unha perspectiva vivencial, sen ningún tipo de aspiración pretenciosa, esta obra trata os temas que máis preocupan á autora: o concepto de identidade, a poesía e a ética. Unha lectura moi recomendable para estes días de verán.