Unha das características deste 25 de xullo, que xa se repetiu noutras edicións, foi a dispersión de actos das diferentes formacións políticas nacionalistas e independentistas galegas. O propia día da Patria o alcalde de Lalín, Rafael Cuiña, criticaba no acto realizado polo seu partido, Compromiso por Galicia, esta circunstancia nunha das afirmacións máis claras en torno á ausencia de unidade nesta simbólica data.
Rafa Cuiña foi unha das voces que hoxe botou en falta a unidade das organizacións nacionalistas e galeguistas neste #diadegalicia pic.twitter.com/0UwVReQqA3
— Nós Televisión (@NosTelevision) 25 de julio de 2017
Villares: “A diversidade é positiva; o malo sería que non se celebrase o Día da Patria”
O voceiro de En Marea e deputado no Parlamento Galego ofreceu unha valoración ben distinta dos escenarios que se presentaron neste 25 de Xullo. A poucos minutos de distancia do acto organizado por Anova, o líder da Marea puxo en valor os aspectos positivos da diversidade.
.@VillaresLuis: “A diversidade suma; que cadaquén celebre a patria dun xeito diverso é motivo de alegría” https://t.co/NO958qrP5p pic.twitter.com/GSPqmTteuv
— Nós Televisión (@NosTelevision) 26 de julio de 2017
Pouco antes da chegada do 25 de xullo, o secretario Xeral de Galiza Nova,Alberte Fernández tamén foi preguntado por Nós Televisión sobre esta cuestión e asegurou que están a traballar pola “unidade do nacionalismo galego” nun proceso que “é longo”.
Da unidade tamén falamos con @Albertegz: "Desde @obloque seguimos traballando pola unidade e polo reforzo do soberanismo galego" pic.twitter.com/91c21jd0ZD
— Nós Televisión (@NosTelevision) 26 de julio de 2017
A festa nacional de onte acolleu varios actos concentrados en poucos metros na cidade de Santiago. O máis numeroso en relación á asistencia foi a tradicional manifestación convocada polo BNG que rematou na Praza da Quintana e á que asistiron tamén, a título persoal, militantes doutras formacións políticas.
https://nostelevision.gal/o-bng-fai-un-chamamento-superar-o-estado-autoanemico-nun-masivo-25-de-xullo/
(En ampliación)
