A Deputación da Coruña promove, xunto a outras institucións e asociacións, a devolución do Pazo de Meirás

"O Pazo de Meirás foi un roubo daquela e agora cómpre devolverllo ao pobo"

A Deputación da Coruña está decidida a mover os fios necesarios para recuperar o Pazo de Meirás para a cidadanía. Hai uns días convocou unha xuntanza na que participaron os concellos da Coruña e Sada, a Universidade da Coruña e varias asociacións de recuperación da Memoria Histórica. Nesa xuntanza aprobouse a constitución dunha Xunta Pro Devolución do Pazo de Meirás como explica Goretti Sanmartín, vicepresidenta da institución provincial.

- Publicidade -

Levamos traballando en temas da memoria histórica desde que chegamos á Deputación da Coruña

A Deputación da Coruña, coa chegada do novo goberno provincial, vén realizando varias accións e proxectos para recuperar o pasado recente relacionado coa supresión das liberdades logo do golpe de Estado e posterior represión militar a partir de 1936.

Analizamos todas as opcións para devolverlle o Pazo de Meirás ao pobo

Na xuntanza convocada pola Deputación da Coruña acordouse, tamén, reclamar a aprobación dunha Lei Galega da Memoria Histórica que impida o enxalzamento dos protagonistas da represión. En relación aos comunicados emitidos pola Fundación Franco decidiuse instar ás Cortes do Estado, Goberno central e grupos parlamentarios a modificación da Lei de Fundacións para que non ampare organismos que defendan a apoloxía do franquismo.

Faite socia, faite socio

As socias e socios de Nós Televisión son un piar básico. Desde moi pouco, a túa achega económica pode axudarnos a consolidar este espazo audiovisual libre e en galego