A concelleira de Igualdade, Desenvolvemento económico e Turismo, Marta Lois, informou en rolda de prensa de que o Consello de Administración da sociedade mixta, participada polo Concello, presentará unha denuncia contra Joaquín Macho, o ex xerente da sociedade, despois de atopar irregularidades na súa xestión.
Indicios de delito
Recentemente, encargouse unha auditoría que podería amosar dous delitos, un de administración desleal e outro de apropiación indebida. Así mesmo, a concelleira sinalou que esta persoa xa non ten relación con Mercagalicia.
Marta Lois anunciou que teñen atopado "indicios de delito" nas actuacións do ex xerente desta sociedade mixta https://t.co/vvFolq8MVW pic.twitter.com/LE3hFPuqqU
— Nós Televisión (@NosTelevision) 07 abril 2017
Polo acontecido nos últimos catro anos realizarase unha auditoría completa da sociedade no momento no que haxa nova xerencia en Mercagalicia. A concelleira fixo fincapé en que o Concello non dubidou en denunciar inmediatamente estas irregularidades por parte do ex xerente.
