O Día das Letras Galegas deste ano foi extraordinario. As normas decretadas pola chegada do coronavirus impediron os actos multitudinarios e as manifestacións en defensa do galego, pero iso non impediu a celebración deste 17M. Como transcorreu este Día? 

O documental ‘Decreto Filgueira‘ é sempre un proxecto audiovisual indispensábel, pero máis neste 17M dedicado a Ricardo Carvalho Calero e no que cobrou forza a posibilidade dun binormativismo.

Todo pasado pola música e as verbas. A cantante Uxía, xunto coas Tanxugueiras e Faia Díaz, de De Vacas, déronlle música a ‘A Fala’, o poema que Manuel María publica en ‘As rúas do vento ceibe’ en 1979.