De Miramontes ata a Mina de Touro: Coñeces o futuro ambiental de Compostela?

Un debate aberto reflexionará na Casa do Matadoiro sobre o futuro ambiental da contorna de Compostela

Este vindeiro mércores, a Casa do Matadoiro acollerá un debate aberto desde as 20:00h sobre o impacto ambiental dos proxectos que ameazan á contorna compostelá.

- Publicidade -

Compostela está rodeado por proxectos perigosos e altamente contaminantes que, de ir adiante, poderían xerar graves danos sobre a saúde das persoas e no medio da nosa contorna. Este vindeiro mércores, representantes de sete plataformas veciñais a que loitan contra a contaminación en toda a comarca participarán nun debate no Matadoiro.

Cartaz do evento

Algúnhas loitas, como a protagonizada polas veciñas e veciños de Touro e O Pino ou a da Plataforma contra o vertedoiro descontrolado de Miramontes, son xa coñecidas en Santiago. Outras, pola contra, resultan máis descoñecidas como a batalla contra os eólicos de Ordes ou a das e dos afectados polos vertidos da destilería de Contimunde. Agora, iso si, todas estas diversas loitas únese neste debate público moderado polo compostelán Álex Botello.

O obxectivo deste acto é visibilizar a elevada concentración de problemáticas mediambientais da nosa contorna e recoller as necesidades de cada plataforma e as ideas e propostas de traballo conxunto.

Faite socia, faite socio

As socias e socios de Nós Televisión son un piar básico. Desde moi pouco, a túa achega económica pode axudarnos a consolidar este espazo audiovisual libre e en galego