As Naves do Metrosidero serán unha infraestrutura pública para a mocidade da Coruña. Así o vén de presentar esta mañá a concelleira de Participación e Innovación Democrática da cidade, Claudia Delso. Un espazo accesible que convida ás mozas e mozos da Coruña a desenvolver as súas inquedanzas creativas e de aprendizaxe. Deste xeito, o goberno local abordará entre esta fin de semana e o mes de decembro a segunda fase deste proceso participativo posto en marcha.
.@Claudia__Delso sobre o futuro das 'Naves do #Metrosidero': “É unha auténtica oportunidade para definir o futuro dun novo equipamento pensado para e coa mocidade” pic.twitter.com/17H2CwZiTI
— Nós Televisión (@NosTelevision) September 19, 2018
As polémicas naves, propiedade do Goberno local desde que Defensa cedeullo a comezos deste ano, enceta tras o fin da súa okupación unha nova etapa para dotalo de utilidade pública. O executivo actual, logo do balbordo creado polo desaloxo da Insumisa o pasado mes de maio, aposta agora pola súa conversión nun centro de actividades sociais, culturais e deportivas para á mocidade. A propia Delso destacou na mañá de hoxe que se trata dunha “auténtica oportunidade para definir o futuro dun novo equipamento pensado para e coa mocidade” e onde poder explocar “modelos de xestión” para o centro.
Delso destacou que esta nova etapa do procedemento posto en marcha polo Concello busca Concellería a “implicación da cidadanía” e anunciou que se realizarán novos encontros coa veciñanza no Centro Cívico Cidade Vella en horario de 10:30 a 14 os días 22 de setembro e 6 de outubro, 10 de novembro e 15 de decembro.
