O día 25 de maio, un policía asesinou a George Floyd axeonllándose no seu pescozo durante 8 minutos. Isto non foi un incidente puntual, senón que forma parte dun patrón de brutalidade policial apoiada por un sistema racista, tal e como denuncian as convocantes SCQ In Solidarity With Black Lives Matter.
Por esta razón, convocan mañá ás 20.00 horas unha protesta silenciosa e pacífica na Praza do Obradoiro en memoria de George Floyd e de tódalas persoas negras que foron asasinas pola policía en todo o mundo. Tamén buscan amosar publicamente que as vidas negras importan. O colectivo lembra que será obrigatorio o uso dunha máscara e manter a distancia de seguridade de polo menos dous metros.
