Continúa a aposta municipal pola economía social e colaborativa

O Concello fai unha aposta polas actividades para o fomento da economía social

A Concellaría de Políticas sociais quere fomentar as empresas que traballen cun modelo económico baseado na economía social e participativa. A concelleira desta área municipal, Concha Fernández, presentou hoxe en rolda de prensa as principais liñas de traballo nesta matería que desenvolverán dentro do programa Compostela Móvese 2017.

- Publicidade -

Coa intención de coñecer máis as experiencias actuais o concello catalogou as empresas existentes, unha boa parte delas cooperativas. Desde o executivo compostelán anuncian que o Cersia contará cun Servizo de Emprendemento Colaborativo e cun Servizo de Busca de Emprego Colaborativo.

“A economía social está a ter moito dinamismo na cidade”

O Concello cataloga as empresas de economía social e participativa

A economía social engloba un conxunto de actividades económicas e empresariais que no ámbito privado levan a cabo entidades que perseguen, ben o interese colectivo das persoas que o integran, ben o interese xeral económico ou social, ou ambos os dous, mostrándose día a día como un actor fundamental no desenvolvemento da sociedade actual.

Fonte: Cersia Empresa

Preme na imaxe para acceder ao Catálogo de entidades sociais

O Catálogo de Economía Social pódese consultar por internet na páxina municipal www.cersiaempresa.gal e aquelas empresas que non estean e desexen figurar poden enviar os seus datos a través dun formulario.

“Un novo modelo económico para a cidade”

O programa Compostela Móvese 2017 conta cun orzamento de 235.000 €, dos que 80.000 se dedican a axudas a empresas de recente creación e outros 80.000 € ás accións de fomento da economía social e colaborativa descritas.

Faite socia, faite socio

As socias e socios de Nós Televisión son un piar básico. Desde moi pouco, a túa achega económica pode axudarnos a consolidar este espazo audiovisual libre e en galego