A difusión do patrimonio histórico da comarca de Compostela a través da arte rupestre comeza andar. Hoxe quedou constituído o Consello Asesor do Parque Compostela Rupestre nunha reunión celebrada no Pazo de Raxoi na que participaron representantes da Deputación da Coruña e os concellos de Santiago, Ames, Brión, Teo e Val do Dubra.
Nesta xuntanza deuse a coñecer a imaxe corporativa e a composición do propio Consello Asesor que estará formado pola Dirección Xeral de Patrimonio da Xunta, un arquitecto da Deputación da Coruña, a arqueóloga do Concello de Santiago, o Instituto de Ciencias do Patrimonio do CSIC, a Universidade de Santiago, a través do seu departamento de Arqueoloxía; o colectivo A Rula, e os investigadores Raquel Casal e Manuel Santos Estévez.
