A Xunta de Goberno vén de adxudica-la segunda fase, das obras de mellora de seguridade viaria en Cañoteira, de Meixonfrío, cun prazo de execución de catro semanas, e un orzamento de 150.000 euros. Alén diso, o Concello deu vía libre a catro proxectos, de mellora do alumeado, nos accesos á cidade. Estes contratos, licitados por un valor de preto de 1,3 millóns de euros, están financiados polos fondos europeos IDAE, cuxa concesión expiraría de non adxudicarse as obras antes de final de ano.
Estatuas
Por outra banda, o alcalde confirmou que xa foi presentada en Madrid a demanda civil contra Carmen Franco, filla do ditador, para esixir unha vez máis a devolución das esculturas do Mestre Mateo ao seu lexítimo dono, o Concello de Santiago.
“Despois de tres décadas de debate preséntase por fin unha demanda moi documentada, moi traballada e con todo o rigor para dar a batalla de traer de volta as pezas” @martinhonoriega pic.twitter.com/HvJqzucdJL
— Compostela Aberta (@compostelaberta) 24 de noviembre de 2017
