O Concello destina 200.000 euros á reurbanización da rúa das Cancelas

Martiño Noriega: "Responde a unha demanda histórica da veciñanza"

A Xunta de Goberno aproba iniciar o proceso de licitación das obras de reurbanización na rúa das Cancelas, cun orzamento estimado de 200.000 euros. O principal obxectivo desta actuación é aumentar a seguridade dos percorridos peonís, para o que se construirán novas beirarrúas naqueles tramos que carezan delas. As obras teñen un prazo de execución de tres meses, e o Concello agarda poder comezalas dentro do primeiro trimestre do 2018.

- Publicidade -

A estimación é que poidan comezar ben avanzado o primeiro trimestre do ano que vén

Así e todo, a Xunta de Goberno acordou incorporar seis proxectos de reordenación do viario municipal ó programa EDUSI. As actuacións dispoñen dun orzamento de 200.000 euros, dos cales 160.000 procederían dos fondos FEDER. O Concello buscará tamén o cofinanciamento europeo para o proxecto de mellora nas rúas de Batalla de Clavijo e anexas, orzamentado en máis de medio millón de euros.

Outros asuntos

Por outra banda, o Concello solicita á Deputación da Coruña unha subvención de 200.000 euros que cubra o 80% do orzamento previsto para as obras de rehabilitación da Casa das Máquinas.

Faite socia, faite socio

As socias e socios de Nós Televisión son un piar básico. Desde moi pouco, a túa achega económica pode axudarnos a consolidar este espazo audiovisual libre e en galego